Србија стои на располагање на Македонија со сите свои расположливи капацитети, истакна српската амбасадорка во земјава, Невена Јовановиќ.

Србија стои на располагање на Северна Македонија со сите свои расположливи капацитети, веќе успеавме да згрижиме одреден број повредени во несреќата во Кочани, а еден број од нив и денеска патуваат за Белград, изјави српската амбасадорка во земјава Невена Јовановиќ, по потпишувањето во Книгата на жалост што беше денеска отворена во Министерството за надворешни работи и надворешна трговија.

Владата на Република Србија на утрешната седница, на предлог на претседателот на Република Србија, Александар Вучиќ, ќе го прогласи вторник 18 март 2025 година за ден на жалост во Република Србија поради трагедијата во Република Северна Македонија, соопшти српската влада.

Авион на српската армија со четворица лекари и четворица медицински техничари полетал за Македонија за медицинска да преземе повредени од синоќешната несреќа во Кочани.

Двајца луѓе кои беа повредени во утринскиот пожар во дискотека во Кочани се префрлени на терапија на Клиниката за трауматологија во Клиничкиот болнички центар „Сестре милосрднице“ во Загреб, а се очекува превоз на уште двајца болни денес.

Преживеани од пожарот во ноќниот клуб „Колектив“ во Букурешт во 2015 година понудија помош и поддршка на повредените и нивните блиски по смртоносниот пожар во дискотеката „Пулс“ во Кочани, Северна Македонија, што се случи викендов, пренесува романската редакција на Радио Слободна Европа.