За секој настрадан во пожарот во Кочани ќе биде доделена итна финансиска помош во износ од 150 илјади денари која ќе се реализира преку Црвениот крст.

Директорот на Служба за општи и заеднички работи на Владата (СОЗР), Ивица Томовски информира дека досега за 142 лица од семејствата на повредените од пожарот на лекување во странство се обезбедени авионски карти и потрошени се почетно околу 3,5 милиони денари.

Идната недела ќе почне враќање во земјава на првите пациенти што се лекуваат во странство кои се во добра здравствена состојба за да се вратат, соопшти министерот за надворешни работи и надворешна трговија Тимчо Муцунски на прес-конференција.

Брзо и ефикасно течеле подготовките на македонскиот медицински персонал за помош и згрижување на пациентите од пожарот од Кочани, помошта од соседните земји и активирањето на механизмот на ЕУ придонеле за згрижување на покомплицираните случаи, информираше на денешната прес-конференција во Владата д-р Игор Мерџановски.

Уште двајца потешки случаи утрово во четири часот и 30 минути биле трансферирани со авион на лекување, но најбитно од се е дека сите пациенти кои се налекување во странство се во стабилна состојба и ниту еден пациент не е починат.

Во Министерството за надворешни работи и надворешна трговија денеска се одржал состанок со претставници од Министерството за здравство, Службата за општи и заеднички работи на Владата и Кабинетот на Претседателот на Владата, со цел координација и организација на процесот на репатријација на македонските пациенти кои се на лекување во странство, по трагедијата во Кочани.

Министерката за надворешни работи на Австрија Беате Мајнл-Рајзингер денеска го прими својот колега од Северна Македонија, министерот за надворешни работи и надворешна трговија Тимчо Муцунски, во Виена, соопшти австриското МНР.