Јавниот обвинител Гаврил Бубевски информираше дека обвинителството постапило по сите стандардни процедури во случајот со прегазената Фросина Кулакова.

Јавниот обвинител Гаврил Бубевски вечерва за Телма изјави дека за прегазувањето на Фросина Кулакова, постапката е проширена и за родителите на обвинетиот Васил Јованов, кој возел под дејство на алкохол и без возачка дозвола.

Министерот за европски прашања, Орхан Муртезани, денеска во Брисел ја заокружи дводневната посета на ЕУ со средба со еврокомесарката за проширување, Марта Кос.

Силната поддршка од Европскиот парламент за европерспективата на Македонија беше потврдена на денешните средби во Брисел на министерот за европски прашања Орхан Муртезани со европратениците Тајс Ројтен и Матеј Тонин, кои се известители на ЕП во сенка за земјава.

Претставникот на Бугарија во Работната група за проширување на ЕУ ми пренесе дека бугарската страна е подготвена за разговори и упатува позитивни пораки за воспоставување на дијалог, изјави за МИА министерот за европски прашања Орхан Муртезани, кој од вчера престојува во дводневна работна посета на Брисел.

Ќе удри утринската зора и за нас… Гоце Делчев Кога зборуваме или пишуваме за нашиот горостас Гоце Делчев, треба да сме свесни дека тој во усните преданија и пишаните записи е нарекуван: срцето, душата, чистотата на идеалот, смелоста во решенијата, бујноста на револуционерниот занес и богатството на идеи за Македонија и Македонците.

Претседателката Гордана Сиљановска-Давкова ќе учествува на одбележувањето на 153-годишнината од раѓањето на великанот на македонското револуционерно дело Гоце Делчев, информираат од нејзиниот кабинет.

Во земјава денеска се одбележуваат 153 години од раѓањето на македонскиот револуционер Гоце Делчев, визионерот, кој пред повеќе од еден век го разбра светот како поле за културен натпревар на народите.

Заедничко одбележување на 153-годишнината од раѓањето на Гоце Делчев на 4 февруари ќе нема бидејќи Бугарија не добила покана од Македонија, изјави денеска шефот на бугарската дипломатија Георг Георгиев во интервју за БТВ.

За улогата на нашата земја во регионот како крстопат за трансфер на природен гас и електрична енергија, за тековните и идните проекти со Грција, за новите можности што се отвораат за размена на искуства и помош за нас од искуството во Република Кипар, но и за глобалната енергетска ситуација, говори министерката за енергетика, рударство и минерални суровини Сања Божиновска по нејзиното учество на 14-от Енергетски самит (Athens Energy Summit). Пораката дека иако сме мала држава, сепак сме важен крстопат и треба да бидеме поврзани со сите соседи за да се обезбеди енергетска стабилност, министерката Божиновска ја упати и за време на Самитот.

Енергетската безбедност, климатските промени и транзицијата кон поодржлива економија ќе бидат во фокусот на 14-от Енергетски самит (Athens Energy Summit) што денеска ќе се одржи во Атина, а на кој ќе учествува и министерката за енергетика, рударство и минерални суровини Сања Божиновска, јави дописничката на МИА од Атина.

Се уште нема договор, кога би имало би го објавиле, рече денеска вицепремиерот и министер за транспорт Александар Николовски, одговорајќи на новинарско прашање во врска со заедничката изградба на тунелот на железничката пруга од Коридорот 8 од македонска и бугарска страна.