Пратеникот Салим Сулејмани ја извести јавноста дека поднесува оставка од сите партиски функции во Алијансата за Албанците, како и од функцијата пратеник во Собранието на Република Македонија.

Ќе дојде денот кога пак ќе се сретнеме, дали преку ВЛЕН или во други комбинации ќе се обиде да повторно да влезе некако во коалиција со нас, но едвај го чекам тој ден, да сме живи и здрави верувајте ми и тој ден ќе го дочекам, рече денеска премиерот и лидер на ВМРО-ДПМНЕ Христијан Мицкоски во обраќање на годишната конференција на Унијата на жени на ВМРО-ДПМЕ.

Од ВЛЕН денеска порачаа дека се пообединети од кога било и дека излегувањето на Арбен Таравари било обид на ДУИ да внесе раздор во коалицијата и таа да се растури.

ОБИДИТЕ НА ДУИ ДА ПРЕДИЗВИКА ЗЕМЈОТРЕС СЕ ВРАТИЈА КАКО БУМЕРАНГ Вреди вели дека е пообединета од кога било Обидите на ДУИ преку Таравари да предизвика земјотрес во Вреди се целосно неуспешни.

Али Ахмети и ДУИ го доживуваат својот политички крај.

Арбен Таравари преку Фејсбук статус објави дека е горд на излегувањето на Алијансата за Албанците (АА) од Владата и порача дека ќе победат на локалните избори во октомври.

Поранешниот министер Азир Алиу објави дека останува во коалицијата ВЛЕН, истакнувајќи дека борбата против корупцијата и промените во општеството не се напуштаат на првата пречка.

„Сметам дека излегувањето (н.з. од Владата) во овој момент, без јасен план, дава можност за индиректно рехабилитирање и ‘лечење’ на старите структури од ДУИ и нивните несмасни наративи, а тоа е чекор што јас не го делам, бидејќи верувам дека секој еден млад Албанец, интелектуалец, заслужува поразлична политичка опција“, напиша на Фејсбук поранешниот министер од редовите на Алијанса за Албанците, Азир Алиу Поранешниот министер за информатичко општество и администрација од редовите на Алијанса за Албанците, Азир Алиу, денеска на Фејсбук објави дека останува во коалицијата ВЛЕН.

Во партијата се води силна дебата, мнозинството од структурите не се согласуваат со одлуката на Арбен Таравари да ја напушти Владата и повторно да им се приближи на ДУИ и Европскиот фронт, рече вечерва првиот заменик претседател на Владата и министер за животна средина и просторно планирање Изет Меџити.

Без разлика на мотивите кои ги наведува Арбен Таравари, лидер на едно од крилата на поделената Алијанса за Албанците, за излегување од владата, сѐ повеќе е јасно дека овој негов политички маневар нема апсолутно никако да се одрази од врз стабилноста на Владата.

Во моментов Владата има стабилно мнозинство и веќе има ист број пратеници и по заминувањето на Таравари.