Подоцна, заедно со министерот за надворешни работи и трговија, Тимчо Муцунски и министерот за одбрана, Владо Мисајловски, Калас ќе учествува на отворањето на дијалогот за безбедност и одбрана меѓу ЕУ и Северна Македонија во рамките на Партнерството за безбедност и одбрана потпишано во ноември 2024 година, кој ќе се одржи во Министерството за надворешни работи во 14 часот. Pressingtv

Калас и Мисајловски, исто така, ќе имаат обраќање пред медиумите во врска со соработката меѓу ЕУ и Северна Македонија во областа на одбраната и безбедноста. Puls24

Високата претставничка Калас и министерот за одбрана Мисајловски во 14.30 часот ќе го посетат седиштето на Балканската медицинска наменска сила во касарната „Илинден“, каде што ќе се сретнат со членовите на Постојаната организација на Балканската медицинска наменска сила (БМНС) и ќе видат дел од опремата набавена од страна на БМНС со поддршка на Европскиот мировен фонд. Republika

Посетата на високата претставничка за надворешни работи Калас ќе заврши во Јуроп Хаус каде што ќе разговара со група млади луѓе. Kurir

Овој дијалог, според Министерството за надворешни работи и трговија, „претставува важен чекор во продлабочувањето на соработката меѓу Република Северна Македонија и Европската Унија во областа на надворешната и безбедносната политика, како и во понатамошната интеграција на земјата во европската безбедносна архитектура“. Racin

Северна Македонија, исто така е корисник на поддршката на ЕМФ во рамките на регионалната мерка за помош за Балканската медицинска наменска сила, во износ од 6 милиони евра за обезбедување медицинска опрема и теренски болници. Puls24

Со вкупно 38 милиони евра, ЕМФ во моментов ѝ обезбедува на Северна Македонија воена опрема и обука во областа на логистиката, инженерството, разузнавањето, надзорот и извидувањето и електронското војување, мобилноста, комуникациските и информациските системи, медицинската и опремата за обука. Racin

Ова е втора посета на Калас на регионот по нејзиното преземање на должноста, откако претходно од 7 до 9 април престојуваше во Црна Гора, Албанија и Босна и Херцеговина. Alsat

Од 2023 година, Советот усвои три билатерални пакети за поддршка во рамките на Европскиот мировен фонд (ЕМФ) за зајакнување на капацитетите на Армијата на Северна Македонија. Puls24

Пред да допатува во Скопје, Калас ги посети Белград и Приштина. Alsat

Премиерот Мицкоски најави дека е можна средба на маргините на престојниот самит на НАТО во Хаг меѓу највисоките претставници на ЕУ, САД, Бугарија и Македонија, на која би се размениле аргумените за можната деблокада на почетокот на преговорите на Македонија за членство во ЕУ. На таа средба според него ќе присуствуваат претседателката Гордана Сиљановска Давкова и бугарскиот претседател Румен Радев, а покрај нив претседателката на ЕК, Урсула фон Дер Лајен, претседателот на ЕУ Антонио Кошта, високата преставничка за надворешна политика Каја Калас, генералниот секретар на НАТО Марк Руте и преставници на САД и на некои земји членки на ЕУ. Но, иако Македонија се согласила, нема информација дали се согласила и бугарската страна.Но, образложувајќи што може да се случи и средбата и кој е мотивот за неа, тој рече дека е добро да се разговара и да се слушнат ставовите на двете страни бидејќи можеби има аргументи што не сме чуле од таа страна, па како пример го наведе прашањето – каде исчезнале Македонците од педесетите до шеесетите години во Бугарија? Nezavisen