Пожарот кој е активен на територија на Чучер Сандево и покрај интервенциите од воздух, за жал сè уште е надвор од контрола, информира Центарот за управување со кризи вечерва.

На денешната седница на Општината Чучер Сандево е донесена одлука да се прогласи вонредна состојба во општината поради пожарите кои беснеат на тоа подрачје веќе два дена.

Вкупно 32 пожари имаше на територијата на цела Македонија, од кои седум се и натаму активни, 1 локализиран, 1 под контрола и изгаснати 23. Пожарот во Чучер Сандево и натаму е активен, а од утрово се дејствува на него од воздух, согласно најавите на ЦУК и на Дирекцијата за заштита и спасување.

Во изминатите 24 часа, низ државата се евидентирани вкупно 32 пожари на отворен простор, информираат од Центарот за управување со кризи.

Градоначалникот Горан Герасимовски, упати апел до сите граѓани да бидат совесни и претпазливи.

По барањето и апелот за помош на жителите на Чучер-Сандево, која се бори со огнената стихија, Општина Центар со своето јавно претпријатие ПОЦ , активно се вклучи во гасењето на големиот шумски пожар.

Колона камиони, шлепери и цистерни долга повеќе од два километри е заглавена на скопската обиколница иако сообраќајот за товарни возила утрово е пуштен, по неколкучасовната забрана поради пожарот кај Блаце кој се доближи до магистралниот пат кој води кон граничниот премин.

Поради ширењето на пожарот во близина на Блаце, целосно е прекинат сообраќајот на патниот правец Стенковец-ГП Блаце, во двата правци, а затворен е и граничниот премин Блаце, информираат од МВР.

Патниот сообраќај до граничниот премин Блаце ноќеска е нормализиран.

Министерството за внатрешни работи информира дека поради настанатиот пожар над магистралниот пат А4 Скопје – Блаце кај тунелот кој се проши над магистралниот пат, сообраќајот е пренасочен за патничките возила, а во прекин е за товарните моторни возила.

Сè уште трае наизменичното движење на патнички моторни возила во двата правца кај граничниот премин „Блаце“, соопшти АМСМ.

Министерството за внатрешни работи известува дека почна наизменично пропуштање на возила на патниот правец Стенковец-ГП Блаце, во едниот, па во другиот правец.