Премиерот Христијан Мицкоски најави дека на 18 јануари заминува за САД, што се совпаѓа со инаугурацијата на новоизбраниот американски претседател, Доналд Трамп, која ќе се случи на 20 јануари.

Владата нема намера да ја зголемуваат старосната граница за заминување во пензија, ниту да ги зголемуваат давачките, што беше предлог на Фискалниот совет, но и дел од препораките на Светска банка.

Судскиот совет утре на седница ќе избира нов претседател, откако поранешната претседателка, Весна Дамева, пред еден месец поднесе неотповиклива оставка, а изборот беше одложен до комплетирање на составот со изборот на двајца нови членови од редот на судиите, пренесе МИА.

Премиерот Христијан Мицкоски очекува 2025 година да биде поуспешна од 2024 година, со раст на БДП помеѓу 3,5 и 4 проценти, инвестици од над милијарда евра и буџетски дефицит под 4 проценти.

Премиерот Христијан Мицкоски во новогодишното интервју за МИА вели дека овој состав на Судскиот совет можеби има легалитет, но нема легитимитет кај граѓаните.

Сегашниот состав на Судски совет можеби има легалитет, но нема легитимитет кај граѓаните, смета премиерот Христијан Мицкоски кој во интервју за државната агенција МИА нагласува дека кадровскиот потенцијал којшто треба да го освежи ова тело треба да биде со импозантна цел и агенда пред себе, но и со институционална меморија позади себе, односно да има биографија и тежина, бидејќи „ако ние едните ги замениме со други, а навиките и начинот на однесување останат исти, не сме направиле ништо“.

Претседателот на Владата Христијан Мицкоски со видеообраќање објавено на неговиот фејсбук-профил им ја честитка Новата 2025 година на граѓаните на Македонија.

Бесплатениот автобуски превоз за студентите во Скопје ќе продолжи и во 2025 година, откако Владата денеска на седница одлучи да му префрли 120 милиони денари на Јавното сообраќајно претпријатие ЈСП – Скопје обезбедени со релоцирање од буџетот на Министерството за образование и наука.

Во Градот Скопје попладнево сообраќаат само четириесетина автобуси на ЈСП Скопје, но до крајот на денот се очекува нивниот број да се зголеми бидејќи се очекува фирмата „Пуцко Петрол“ да достави нафта до претпријатието.