Во 2024 година се издадени вкупно 12 лиценци за кабареа во земјава, изјави денеска премиерот Христијан Мицкоски пред Ургентниот центар „Мајка Тереза“ во Скопје, каде ги посети повредените во катастрофалниот пожар во Кочани.

Поранешниот министер за економија Крешник Бектеши е сѐ уште во полициска станица откако вчера беше повикан на информативен разговор во врска со пожарот во ноќниот клуб во Кочани, потврдуваат од Министерството за внатрешни работи за МИА.

Повеќе од 20 лица до овој момент се осомничени за пожарот во дискотеката во Кочани во кој животите, според досегашниот биланс ги загубија 59 лица, а повеќе од 150 се повредени.

Државниот јавен обинител на заминување Љупчо Коцевски информираше во понеделникот дека најголемиот дел од осомничените се испитуваат за кривичното дело „тешки дела против безбедноста на луѓето“, за кое се предвидени затворски казни од најмалку 3 до најмногу 20 години.

Адвокатот на поранешниот министер за економија Крешник Бектеши, кој од вчера е во полициската станица во Карпош, денеска во изјава за медиумите рече дека Бектеши бил повикан на информативен разговор и дека сам се јавил по што е побарано тој да биде задржан заради понатамошно проверки.

„Согласно правилникот за исполнување на минимално-техничките услови за вршење на угостителска дејност, во член 9 е утврдено дека објектите е неопходно да ги исполнуваат условите односно со барањето за донесување решение за издавање лиценца за кабаре да достават решение од Централен регистар, уплатен надоместок до општината Кочани, пријавата за исполнување на минимално-техничките услови за вршење на дејсност доставена до ДПИ и до општината Кочани, како и согласност од МВР дека се исполнети условите за заштита на јавниот ред и мир и безбедност во сообраќајот“, рече потпретседателот на ДУИ, Арбр Адеми Тој додаде дека Министерството за економија, токму поради фактот дека не биле исполнети условите за издавање лиценца и не била доставена потребната документација, не ја издало лиценцата Потпретседателот на опозициската ДУИ, Арбр Адеми, денеска на прес-конференција ги нарече целосна конструкција тврдењата дека некој од Министерството за економија издал лажна лиценца за дискотеката „Пулс“ во Кочани.

Четворица повредени во пожарот во ноќниот клуб во Северна Македонија за два дена ќе пристигнат во Хрватска со хеликоптери на хрватската армија, изјави денеска премиерот Андреј Пленковиќ и уште еднаш изрази сочувство до семејствата на загинатите и на преживеаните им посака брзо закрепнување.

Хрватскиот премиер Андреј Пленковиќ утринава разговараше со својот македонски колега Христијан Мицкоски и изрази сочувство за пожарот за време на концертот во Кочани, каде утринава загинаа над 50 лица, а над 100 се повредени, соопшти хрватската Влада.