Во врска со оваа прашање се огласи и партијата Глас – Социјална демократија (Хлас-СД) која е основана од актуелниот словачки претседател Петер Пелегрини и е дел од владината коалиција во земјата, која тврди дека поради одлуката на Украина „да го запре транзитот на руски гас за ЕУ“, Словачка ќе претрпи загуби од стотици милиони евра.

„Морав да обезбедам барем гас за домашна словачка потрошувачка – што го обезбедивме“, рече Фицо во видеото на Facebook.

Извори од Владата во Братислава претходните денови објавија дека била закажана средба меѓу претставници на ЕУ, Словачка и Украина во Брисел, посветена на прашањето поврзано со прекин на транзитот на гас, но потоа беше соопштено дека состанокот е откажан откако украинската страна најавила оти нема да присуствува на него.

Европската комисија вчера одби да ја потврди или негираа информацијата за наводно најавената средба, само посочувајќи дека одржува контакти на политичко и на техничко ниво со сите страни засегнати од истекот на Договорот за транзит на руски гас преку украинска територија.

Обвинувањата на Зеленски уследија откако два дена пред католичкиот Божиќ, Фицо отпатува во ненајавена посета на Москва.

Во вакви услови, за в петок, се најавени неколку, како што се наречени, „про-ЕУ и про-украински протести“ во Словачка.

Фицо го обвини Киев дека ѝ штети на Словачка со тоа што одби да го продолжи договорот за транзит на руски гас, што истече на крајот на 2024 година, и се закани дека ќе го прекине снабдувањето со електрична енергија за Украина и ќе ја намали помошта за бегалците.

Детали за средбата не беа објавени во јавноста.

Тој повтори дека прекинот на испораката на гас преку Украина за Словачка ќе чини 500 милиони евра компензација за испорака до други европски земји и уште една милијарда евра поради повисоките цени на гасот од други извори.

На ваквите закани на Фицо, Зеленски одговори со обвинувања дека рускиот претседател Владимир Путин „му наредил на Фицо да отвори втор енергетски фронт против Украина“.