Поранешниот британски премиер Борис Џонсон изјави дека е пронајден апарат за слушање во неговата приватна бања во Форин офисот, откако го користел Бенјамин Нетанјаху, пишува „Sky News“. Во својата нова книга „Unleashed “, поранешниот премиер тврди дека неговиот безбедносен тим пронашол уреди за слушање во тоалетите откако Нетанјаху ги користел објектите за време на посетата во 2017 година, пишува медиумот.

Поранешниот британски премиер Борис Џонсон наскоро ќе ги објави своите мемоари „Ослободен“ , во кои, меѓу другото, пишува и за последната средба со покојната кралица Елизабета Втора . Според Џонсон, на кралицата ѝ бил дијагностициран рак на коските, . Џонсон имаше средба со кралицата само неколку дена пред нејзината смрт, во замокот Балморал.

Портпаролот на Стејт департментот Метју Милер изјави дека одлуката на Израел за прогласување на генералниот секретар на ОН, Антонио Гутереш за „персона нон грата“ не е продуктивна.

Израелскиот министерот за надворешни работи, Израел Кац изјави дека на генералниот секретар на Обединетите нации, Антонио Гутереш му е забранет пристапот во земјата поради, како што тој смета, неговата антиизраелска пристрасност.

Израелскиот премиер Бенјамин Нетанјаху синоќа изјави дека нападот на Иран врз неговата земја не успеал и вети дека ќе возврати.

Министерството за здравство на Либан соопшти дека во вчерашните израелски напади загинале вкупно 95 луѓе, а повредени се 172 лица.

Американскиот претседател Џозеф Бајден изјави денеска дека САД се подготвени да му помогнат на Израел да се одбрани од иранските ракетни напади и да ја заштитат американската војска во регионот.

Претседателот на Соединетите Американски Држави Џо Бајден ѝ нареди на американската војска да помогне во одбраната на Израел од иранските напади и да ги соборува ракети насочени кон Израел, соопшти Советот за национална безбедност на Белата куќа.

Во директен пренос на Си-Ен-Ен, снимен е драматичен момент во кој новинар на Си-Ен-Ен бил итно принуден да побара засолниште во моментот на известувањето, додека фрагменти од ирански ракети паѓаат над Тел Авив.

Меѓу целите на вечерашниот ирански ракетен напад врз Израел беа аеродроми и писти, како и канцелариите на израелската меѓународна разузнавачка служба Мосад, јави Си-Ен-Ен. – Цел (на иранскиот напад) беше и штабот на Мосад, кој се наоѓа во северниот дел на Тел Авив, во густо населена област и постои загриженост, и покрај тоа што Иран го смета за воена цел, тоа е густо населена област каде што живеат многу цивили, рече новинарот на Си-Ен-Ен од Тел Авив, Џим Шиуто.

Францускиот претседател Емануел Макрон денеска изјави дека силно ги осудува новите напади на Иран врз Израел, додавајќи дека како знак на неговата посветеност на безбедноста на Израел, мобилизирал воени ресурси на Блискиот Исток.