Украинскиот претседател Володимир Зеленски вети дека Киев ќе работи брзо на изготвување на силен договор за инвестиции и безбедност со САД, нагласувајќи дека средбата со специјалниот пратеник на Вашингтон за Украина и Русија, Кит Келог, „ја вратила надежта“ за успех.

Американскиот претседател Доналд Трамп во своите најнови изјави даде најнепријателски коментари за Украина досега, нанесувајќи и нов удар на земјата и нов поттик на рускиот претседател Владимир Путин, оценува Си-Ен-Ен. Откако го исклучи украинскиот претседател Володимир Зеленски од првите разговори меѓу САД и Русија за завршување на војната, одржани во Ријад во вторникот, Трамп ја обвини Украина за започнување на конфликт што ја опустоши нејзината земја и уби илјадници нејзини луѓе, објави американската телевизија.

Украинскиот претседател Володимир Зеленски на денешната прес-конференција изјави дека неговата земја се надева на „сојузничка позиција во Европа, ЕУ и САД“ во, како што ја нарече, „неправедната војна“ против Украина, јави Би-Би-Си. - Не е лесно, но Киев работи на тоа, изјави Зеленски, додавајќи дека Украина се обидува да организира средби, без да открие детали за учесниците.

Американскиот потпретседател Џеј Ди Венс го предупреди украинскиот претседател Володимир Зеленски да не го критикува јавно претседателот на САД, Доналд Трамп, зашто, како што вели, таквите забелешки се контрапродуктивни и потенцијално би им наштетиле на односите Киев-Вашингтон.

Францускиот претседател Емануел Макрон ќе му каже на својот американски колега Доналд Трамп дека „не може да биде слаб“ пред Владимир Путин и дека неговиот „стратешки интерес е ист како и европскиот“.

Американскиот претседател Доналд Трамп синоќа потврди дека неговиот француски колега Емануел Макрон ќе пристигне во Вашингтон, „можеби во понеделник“, поради несогласувањата околу решавањето на конфликтот во Украина.

Францускиот претседател Емануел Макрон соопшти дека денеска организира уште еден состанок со претставници на „неколку европски и неевропски држави“ за Украина.

Милијардерот Илон Маск ја засили својата критика кон украинскиот претседател Володимир Зеленски, поддржувајќи ги нападите на американскиот претседател Доналд Трамп врз него на Конзервативната политичка конференција (CPAC). Извршниот директор на Тесла ја доведе во прашање смислата на војната во Украина и ја повтори тезата на Трамп дека Зеленски треба да организира избори.

Илон Маск, висок советник на претседателот Доналд Трамп, ја поддржа објавата во која украинскиот претседател Володимир Зеленски се обвинува дека му се поважни „моќта и парите“ отколку постигнувањето мир.

Поранешниот британски премиер Борис Џонсон во денешната објава на Икс повика Европа да престане да се „скандализира“ од изјавите на американскиот претседател Доналд Трамп и да му помогне да стави крај на војната во Украина.

Борис Џонсон ги повика европските лидери да не го сфаќаат премногу буквално обвинувањето на Украинците од Доналд Трамп за инвазијата на нивната земја.

Трамп и неговите американски олигарси сега отворено се приклучуваат на Путин и неговите руски олигарси“, напиша Сандерс на платформата Икс.

Американскиот сенатор Берни Сандерс го обвини претседателот Доналд Трамп и неговите сојузници дека се на страната на рускиот претседател Владимир Путин, предупредувајќи дека таквиот сојуз ги загрозува демократските вредности и меѓународните сојузи.