Најмалку 85 Палестинци беа убиени ширум Газа во текот на ноќта, со што бројот на загинати откако Израел го прекрши примирјето со Хамас се зголеми на речиси 600, соопштија локалните здравствени власти.

Додека европските челници на самитот во Брисел повикаа на враќање на примирјето и враќање на заложниците, израелската војска доцна во четвртокот објави дека започнала копнена операција во кампот Шабура во градот Рафах, во јужниот дел од палестинската енклава Појасот Газа.

Мировните сили на Обединетите нации во Либан (УНИФИЛ)денеска предупредија дека ситуацијата меѓу Израел и Либан е „исклучително кревка“ поради порастот на прекуграничното насилство што може да го прекрши договорот за прекин на огнот меѓу Израел и Либан -Силно ги повикуваме сите страни да избегнуваат да го загрозат постигнатиот напредок, особено кога се загрозени животите на цивилите и кревката стабилност постигната во последните месеци, се вели во соопштението на , пренесено од Ал Џезира.

Израел го гранатираше јужен Либан со артилериски оган и воздушни напади, откако израелските власти соопштија дека пресретнале ракети истрелани од другата страна на границата, влошувајќи ја ситуацијата со несигурниот прекин на огнот што стави крај на едногодишната војна меѓу Израел и либанската милитантна група Хезболах.

Шест деца загинаа денеска во израелски воздушен напад врз станбена зграда во градот Газа, објавија денеска палестинските медиуми, јави ДПА.

Израелскиот премиер Бенјамин Нетанјаху во петокот рече дека владата треба да одлучи „кој ќе биде шеф на Шин Бет“, по одлуката на Високиот суд на правдата да го замрзне владиниот декрет за разрешување на актуелниот шеф Ронен Бара.

Поранешниот шеф на Шин Бет, Јорам Коен, вели дека за време на неговиот мандат како шеф на агенцијата за безбедност, премиерот Бенјамин Нетанјаху побарал од него повеќе од еднаш да изврши „нелегитимни дејствија“ и изразува загриженост дека следниот шеф на агенцијата за безбедност нема да му се спротивстави на таквите барања, пренесе МИА.

Израелската влада рано утринава го разреши шефот на домашната разузнавачка служба Шин Бет, а одлуката стапи на сила на 10 април, соопшти кабинетот на премиерот Бенјамин Нетанјаху, по тридневните протести против најавениот потег.