Американскиот претседател Доналд Трамп им рекол на членовите на неговиот кабинет и на други блиски соработници дека Илон Маск, шеф на Одделот за ефикасност на владата на Соединетите Американски Држави ДОГЕ (DOGE), наскоро ќе се повлече од позицијата, објави денеска американскиот портал Политико, повикувајќи се на три извори блиски до Трамп.

DOGE проценува дека веќе со остварените кастрења од 24 март им заштедил на американските даночни обврзници 115 милијарди долари, преку мерки кои вклучуваат намалување на вработените, продажба на средства и откажување на договори со државата.

Неговите неконзистентни настапи на X, вклучително и нереализираните предлози за затворање на агенции и итни реформи, редовно предизвикуваа паника во администрацијата, според Политико.

И покрај ова, најблиските соработници на Трамп не веруваат дека Маск целосно ќе исчезне од орбитата на претседателот.

Еден извор рече дека „секој што мисли дека Маск ќе исчезне греши“, додека друг верува дека тој ќе продолжи да има советодавна улога и повремено да се појавува во Белата куќа.

Маск, за потсетување, беше формално назначен за специјален владин функционер, што му овозможи да работи привремено во Белата куќа без да биде предмет на закони за судир на интереси.

Во неодамнешното интервју за Фокс њуз, Маск рече дека верува оти службата ќе го заврши најголемиот дел од работата во таа временска рамка.

Тој е класифициран како „специјален државен службеник“, со што би се ограничила неговата служба на 130 дена годишно.

Сепак, како што пренесува Политико, на многумина околу Трамп тајно им олесна неговото наводно повлекување, надевајќи се на крај на серијата контроверзни инциденти поврзани со ДОГЕ – од импровизирани е-пошта во кои се бара извештај за перформансите на сите владини службеници до ненамерно намалување на програмите за превенција од ебола.

Тој така сака.

Оваа одлука доаѓа во време кога се повеќе луѓе внатре и надвор од администрацијата изразуваат фрустрација поради непредвидливоста на Маск, Посебен удар за влијанието на дојде вчера кога американскиот десничарски кандидат за Врховниот суд во Висконсин, кого Маск јавно и финансиски го поддржуваше, загуби на изборите со десет проценти разлика.