Пијан возач вчера прегазил млада девојка на улицата „Св. Кирил и Методиј“ во центарот на Скопје.

На 02.03.2025 околу 00.15 часот во СВР Скопје е пријавено дека на ул. „Св. Кирил и Методиј” во Скопје патничко моторно возило „мерцедес” со скопски регистерски таблички, управувано од Н.Н. (48) од Гостивар удрило во Б.Л. (25) од Битола.

Израел го прифати предлогот на пратеникот на американскиот претседател Доналд Трамп, Стив Виткоф, за привремен прекин на огнот во Појасот Газа за време на Рамазан и Пасха, соопшти кабинетот на израелскиот премиер Бенјамин Нетанјаху само неколку часа по истекот на првата фаза од претходно договорениот прекин на борбените дејствија.

Израелскиот премиер Бенјамин Нетанјаху вечерва во 19 часот и 30 минути ќе одржи состанок со највисоките соработници за продолжението на разговорите за заложниците, јави израелскиот телевизиски Канал 13. Израелските преговарачи вчера заминаа дома, а Хамас претходно денеска најави дека нема да прифати продолжување на првата фаза од договорот, за што Израел се залага, објави „Тајмс оф Израел“.

Американскиот државен секретар Марко Рубио соопшти дека потпишал декларација за забрзување на доставувањето воена помош од околу четири милијарди долари за Израел.

Вработени во Министерството за одбрана биле повикувани на разговор од претставници на Службата за воено разузнавање и безбедност за да дадат изјава зошто учествувале на протестите Правда за Фросина и дали тоа значи дека биле против Владата.

Владата води многу внимателна политика во насока на контролирање на трошоците, на буџетскиот дефицит и јавниот долг и таа заложба се покажа преку намалување на државниот долг, а соодветно на тоа и на јавниот долг, ова го истакна министерката за финансии Гордана Димитриеска-Кочоска, која информира дека нивото на јавниот долг на крајот на 2024 година изнесуваше 61,9 проценти и дека тој на крајот на јануари изнесува 58,2 отсто од БДП.

Поради аерозагадување, особено во зимскиот период, како во Скопје така и во останатите градови во земјава, потребен е зголемен инспекциски надзор и од општинските и од државните инспектори за животна средина.

Државниот инспекторат за животна средина (ДИЖС) во моментот работи со минимален број инспектори, а од нив дел ќе заминат во пензија.