Почитувани, Во пресрет на новогодишните празници, Државна лотарија на Македонија во втората половина на месец декември ќе ја донесе магијата на празничното новогодишно расположение во Скопје преку реализација на караванот “Зимска новогодишна бајка”.Проектот предвидува оддржување на еднодневни јавни настани кои ќе се оддржат во општините Центар, Чаир, Ѓорче Петров, Кисела Вода, Бутел, Карпош, Аеродром и Гази Баба.

Почнувајќи од петок (20 декември) во 22:00 часот граѓаните кои главно живеат од десната страна на реката Вардар ќе немаат вода.

По минатонеделното излевање на вода на улицата „Никола Парапунов“ во Општина Карпош, од ЈП „Водовод и канализација“ за МИА информираат дека, според информациите што ги имаат, најавениот прекин на вода во Скопје ќе биде после 22:00 часот во петок (20 декември) и ќе трае се до санирање на дефектот.

Основното јавно обвинителство Скопје поднесе Обвинителен акт против едно лице за убиство, убиство во обид и неовластено изработување, држење, посредување и тргување со оружје и експлозивни материи.

Јавен обвинител од Основното јавно обвинтиелство Скопје поднесе Обвинителен акт против едно лице на кое му се става на товар дека ги сторил кривичните дела – Убиство по член 123 став 2 точка 4, Убиство по член 123 став 2 точка 8 во врска со член 19 (во обид), како и кривично дело – Неовластено изработување, држење, посредување и тргување со оружје и експлозивни материи од член 396 став 3 во врска став 1 од Кривичниот законик.

Министерството за внатрешни работи објави оглас за прием на 600 нови полициски службеници.

Јавното претпријатие „Водовод и канализација“, в сабота ќе го затвори главниот цевковод Ф1600мм во кругот на касарната во населбата Ѓорче Петров, со цел да се изврши санација на дефект кој предизвика неколкудневно излевање на вода на улицата „Никола Парапунов“ во Карпош 4. Затворањето ќе трае до завршувањето на интервенцијата, а во соопштението од претпријатието се додава дека освен овој дефект, ќе бидат санирани и уште три дефекти на затварачи по должината на главниот цевковод, на потегот од кружниот тек во Ѓорче Петров до раскрсницата на булеварот „Партизански одреди“ и улицата „Никола Парапунов“.

В сабота цело Скопје ќе остане без вода.