Денеска во 18 часот се организира граѓански собир на раскрсницата помеѓу булеварите АСНОМ и Србија, пред мостот Киро Глигоров поради екоцидот и лошата миризба која се чувствува во последните денови низ Аеродром. На собирот треба да ги договорат секојдневните протести што ги најавија на флаери, односно известувања.

Градоначалникот на Општина Аеродром, Дејан Митески информира дека загадувањето на воздухот што деновиве најмногу се чувствува на територија на општините Аеродром и Гази Баба е поради потпалувањето на депонијата Вардариште. Тој тврди дека Градот Скопје целосно ја запоставил депонијата во изминатите осум години и оценува дека не се бара решение, а најмногу страдаат граѓаните.

Кандидатот на ВМРО-ДПМНЕ за градоначалник на Скопје, Орце Георѓиевски, ветува „парк“ на локацијата Вардариште – најзагадената и технички најкомплицирана точка во главниот град. Со ова ветување Георѓиевски само потврдува дека или свесно манипулира или воопшто не знае што зборува, што го прави целосно неспособен и некомпетентен за функцијата што ја бара од скопјани.

Ристо Пенов Фото: Слободен печат/ Драган Митрески Пенов може да биде советник, но не и кандидат за градоначалник на Скопје Ексградоначалникот на Скопје Ристо Пенов можно е да се најде на советничката листа на ЛДП за Град Скопје, но нема да биде кандидат за градоначалник на метрополата. Ова за „Слободен печат“ го потврди Пенов, по неофицијалните информации дека тој, како кандидат на ЛДП влегува во трка за татко на метрополата.

Партијата Левица преку објава на Фејсбук алармираше за безбедноста на автобусите на ЈСП, обвинувајќи ја ВМРО-ДПМНЕ дека поради политички инает ја блокира набавката на нови еко-автобуси. Во нивната објава, стои: Денес пред МНТ е избегнат опасен инцидент откако автобус на ЈСП одеднаш почна да исфрла дим, по што возачот го запре автобусот, а сите патниците излегоа надвор и останаа на автобуската постојка да чекаат друг автобус.

Денес пред МНТ е избегнат опасен инцидент откако во автобус на ЈСП со број 57 одеднаш почнал да излегува, по што возачот го запрел автобусот, а сите патниците излегле надвор и останале на автобуската постојка да чекаат друг автобус. Жителите на Скопје се жалат дека ова веќе е секојдневна слика на градот.

Јавното обвинителство нема никаква можност за незаконско следење на комуникациите, информираат денеска од Основното јавно обвинителство за гонење на организиран криминал и корупција во врска со последните информации од АНБ за следење на политичари и новинари. Оттаму тврдат дека Обвинителството единствено ги проследува законски заснованите барања од АНБ за превентивни разузнавачки мерки до Врховниот суд, кој потоа издава соодветна наредба за реализација на мерките.

Поранешниот директор на Агенцијата за национална безбедност, Виктор Димовски соопшти дека вчера од страна на премиерот Христијан Мицкоски и од актуелниот директор на Агенцијата за национална безбедност, Бојан Христовски беа изнесени сериозни обвинувања за наводна злоупотреба на државни ресурси за прислушкување на поранешниот лидер на опозицијата (сега премиер), бизнисмени и новинари од страна на АНБ и Агенцијата за разузнавање. Со оглед на тоа што во претходен брифинг за медиуми во АНБ бил споменат периодот од 2019 до 2024 година во дел од кој и јас ја извршував должноста директор на АНБ, одговорно тврдам дека тој како лидер на тогашна опозициона партија во периодот од 2019 -2022 година не бил предмет на посебен оперативен интерес на Агенцијата, не бил предмет на организирана оперативна работа, а со тоа ниту таргет кон кого биле применувани било какви оперативно-технички мерки.