Партијата Левица наведува дека фирмата на пријател на градоначалникот на Гази Баба од ВМРО-ДПМНЕ, Бобан Стефковски, добила тендери во вредност од 3,6 милиони денари за студентскиот дом „Скопје“, 4,4 милиони денари за домот „Томе Стефановски – Сениќ“ и околу 1 милион за училиштето „Кирил и Методиј“ во Стајковци. Партијата Левица го обвини градоначалникот на Гази Баба од ВМРО-ДПМНЕ, Бобан Стефковски, дека наместо да ги решава основните проблеми на граѓаните, насочувал јавни средства кон фирма на свој близок пријател преку тендери вредни над 9 милиони денари.

Во општина каде улиците се распаѓаат, каде секоја поголема дождовна капка претвора цели маала во мочуриште, каде десетици семејства и денес немаат канализација и неретко се оставени без вода, каде децата растат во нечовечки услови – градоначалникот на Гази Баба, Бобан Стефковски од ДПМНЕ, ги сврте очите на другата страна. Тој не ја гледа мизеријата во општината, затоа што е зафатен со грижа за тоа како јавните пари да ги насочи кон фирмата на својот најблизок пријател, пишува во објавата на Левица – Гази Баба.

Партијата ВЛЕН остро реагираше по објавувањето на извештајот на Државниот завод за ревизија за 2023 година, оценувајќи го како „директна обвинителна акта“ против ДУИ и поранешниот министер за образование Јетон Шаќири. Според ВЛЕН, извештајот јасно го открива коруптивното и криминално однесување во Министерството за образование.

Општина Центар и оваа учебна година ангажира лични асистенти за ученици со посебни образовни потреби во рамки на проектот „Образование за сите”. Право на пријавување на јавниот повик имаат лица со завршено средно образование, а предност ќе имаат кандидати со високо образование од областа на наставата, психологијата, педагогијата, дефектологијата и социјалната работа, како и оние со претходно искуство во работа со деца со попреченост.

Градоначалничката на Град Скопје, Данела Арсовска ја поздрави судската одлука со која Сулејман Љамалари доби 2-годишна затворска казна за нападот врз неа во општина Чаир. Арсовска порача дека ова е системска победа за жртвите на насилство, за секоја жена и мајка, за напад кој претставуваше и атак врз институцијата градоначалник.

Од: А1он Градоначалничката на Скопје, Данела Арсовска, пресудата на Основниот кривичен суд во Скопје со која Сулејман Љамалари е осуден на две години затвор за грубо насилство врз неа ја оцени како „системска победа за жртвите на насилство“. Ова е системска победа за жртвите на насилство, за секоја жена и мајка, за напад кој претставуваше и атак врз институцијата градоначалник.

Одговорно тврдам дека премиерот Христијан Мицкоски, додека бил лидер на тогашната опозиција во периодот кога јас бев директор на АНБ не бил предмет на посебен оперативен интерес на Агенцијата, не бил предмет на организирана оперативна работа, а со тоа ниту таргет кон кого биле применувани било какви оперативно-технички мерки, пишува во објава на Фејсбук поранешниот директор на АНБ Виктор Димовски откако на брифинг со новинарите во Агенцијата, актуелниот директор Бојан Христовски кажа дека во периодот од 2019 до 2024 година со внатрешната истрага во институцијата било откриено дека биле следени лидер на опозициска партија и група новинари, медиуми, бизнисмени. Со оглед на тоа што во претходен брифинг за медиуми во АНБ бил споменат периодот од 2019 до 2024 година во дел од кој и јас ја извршував должноста директор на АНБ, одговорно тврдам дека тој како лидер на тогашна опозициона партија во периодот од 2019 -2022 година не бил предмет на посебен оперативен интерес на Агенцијата, не бил предмет на организирана оперативна работа, а со тоа ниту таргет кон кого биле применувани било какви оперативно-технички мерки.

Премиерот Христијан Мицкоски вели дека Агенцијата за разузнавање и и Агенцијата за национална безбедност во времето на претходната власт „темелно се занимавале“ со него и со тогаш опозициската ВМРО-ДПМНЕ, но и со новинари и со бизнисмени. Мицкоски во изјавата за медиумите не сакаше да зборува за детали и рече дека „станува збор за класифицирани документи“ и оти очекува луѓето кои го прислушувале да се најдат зад решетки.