Кандидатот на ВМРО-ДПМНЕ за градоначалник на Скопје, Орце Георѓиевски, ветува „парк“ на локацијата Вардариште – најзагадената и технички најкомплицирана точка во главниот град. Со ова ветување Георѓиевски само потврдува дека или свесно манипулира или воопшто не знае што зборува, што го прави целосно неспособен и некомпетентен за функцијата што ја бара од скопјани.

Министерот Тимчо Муцунски нагласи дека Македонија останува цврсто посветена на европскиот пат, активно спроведува реформи и дека го имплементира Планот за раст на ЕУ, притоа истакнувајќи дека проширувањето мора да се темели на заслуги и на јасни критериуми. На покана на министерката за надворешни работи на Словенија, Тања Фајон, министерот за надворешни работи и надворешна трговија, Тимчо Муцунски, утрово учествуваше и се обрати на работниот појадок со министрите за надворешни работи од Западен Балкан и со специјалните пратеници за проширување на Европската Унија, соопшти Министерството за надворешни работи и надворешна трговија.

Од: А1он Проширувањето на Европската Унија не смее да биде заложник на билатерални спорови или прашања на идентитет. Ако тоа се дозволи, се ризикува не само застој на една земја, туку и губење на кредибилитетот на целиот процес, потенцира министерот за надворешни работи и надворешна трговија Тимчо Муцунски на работниот појадок со шефовите на дипломатиите на земјите од Западен Балкан и специјалните пратеници за проширување на ЕУ, одржан во рамки на Бледскиот стратешки форум.

Директорот на Службата за општи и заеднички работи во Владата, Ивица Томовски реагираше по објавите за незаконско следење и прислушување во периодот од 2019 до 2024 година. Вели дека станува збор за скандал од невидени размери.

Поранешниот министер за надворешни работи на Украина, Дмитро Кулеба, испрати силна и емотивна видео порака со поддршка за Бујар Османи и неговата кандидатура за градоначалник на Чаир. Во пораката, Кулеба му се заблагодари на македонскиот народ за поддршката кон Украина во текот на руската инвазија, но и посебно се осврна на улогата на Османи како министер за надворешни работи на Македонија и претседавач со ОБСЕ.

„Во текот на вчерашниот ден од страна на премиерот и од актуелниот директор на Агенцијата за национална безбедност беа изнесени сериозни обвинувања за наводна злоупотреба на државни ресурси за прислушкување на поранешниот лидер на опозицијата (сега премиер), бизнисмени и новинари од страна на АНБ и Агенцијата за разузнавање“ пишува на Фејсбук, Виктор Димовски, поранешен директор на АНБ – Агенција за национална безбедност. Тој вели „со оглед на тоа што во претходен брифинг за медиуми во АНБ бил споменат периодот од 2019 до 2024 година во дел од кој и јас ја извршував должноста директор на АНБ, одговорно тврдам дека тој како лидер на тогашна опозициона партија во периодот од 2019 -2022 година не бил предмет на посебен оперативен интерес на Агенцијата, не бил предмет на организирана оперативна работа, а со тоа ниту таргет кон кого биле применувани било какви оперативно-технички мерки“.

Поранешниот директор на Агенцијата за национална безбедност (АНБ), Виктор Димовски, за утре најави „аргументиран одговор“ во врска со наводите за злоупотреби вршени во Агенцијата во периодот додека тој раководел со оваа институција. „Денес е ден за славење, а од утре аргументиран одговор на наводите од брифинг во АНБ одржан деновиве…“, вели Димовски во куса објава на „Фејсбук“, на денот кога се одбележува шестгодишнината од основањето на АНБ.