Министерот за здравство д-р Арбен Таравари, денеска во раните утрински часови заедно со министерот за надворешни работи, Тимчо Муцунски и д-р Илир Вела, пристигнаа во Солун со цел да ги посетат и да се информираат за здравствената состојба на хоспитализираните пациенти.

Повредените во пожарот во Кочани, кои се хоспитализирани во две солунски болници, утрово ќе ги посети министерот за здравство Арбен Таравари, а ќе го придружуваат заменик-министерот за внатрешни работи на Грција Костас Јулекас надлежен за областите Македонија и Тракија и заменик-шефот на грчката дипломатија Тасос Хаѕивасилиу, јави дописничката на МИА од Атина.

Сите 5 пациенти, примени во болниците во Солун, се во стабилна состојба, објави министерот за здравство, Арбен Таравари, кој заедно со министерот за надворешни работи и надворешна трговија, Тимчо Муцунски, изутринава беа во посета на повредените од пожарот во Кочани кои се хоспитализирани во болницата „Папаниколау“ и во Воената болница во Солун.

Директорот на Фондот за здравствено осигурување, Сашо Клековски по посетата на болницата ГОБ „8 Септември“ кажа дека бројката на хоспитализирани лица кои изгореа во пожарот во дискотеката во Кочани надминува 160 – 170 заедно со 16-те примени во приватните болници.

Град Скопје додели шест милиони денари за семејствата на настраданите во пожарот во Кочани во кој загинаа 59 лица, а 155 беа повредени.

Релативно стабилна е состојбата на повредените во дискотеката, но, не може да се каже каква ќе биде состојбата понатаму, бидејќи сѐ уште е рано, рече денеска заменик министерот за здравство Јовица Андовски, во изјава за медиумите.

По катастрофалниот пожар во Кочани, надлежните служби информираат дека сите 89 пациенти кои се хоспитализирани во земјата се во стабилна состојба, иако лекарите предупредуваат дека кај дел од нив може да дојде до влошување.

Од осумте пациенти кои вчера пристигнаа од Северна Македонија по трагичниот пожар, тројца се на респиратор, а сите имаат изгореници на респираторниот тракт и се во животна опасност, јави МИА од Белград.