Речиси 100 лица денеска даруваа крв за настраданите во Република Северна Македонија на Воено-медицинската академија (ВМА) во Софија, соопшти медицинската установа.

Бугарскиот претседател Румен Радев денеска изрази сочувство до роднините на загинатите во пожарот во Кочани и се потпиша во книгата на жалост во Амбасадата на Република Северна Македонија во Софија.

Во Собранието на Република Северна Македонија од денеска е отворена Книга на жалост за загинатите во несреќата во Кочани.

Авион на српската армија со четворица лекари и четворица медицински техничари полетал за Македонија за медицинска да преземе повредени од синоќешната несреќа во Кочани.

Србија стои на располагање на Македонија со сите свои расположливи капацитети, истакна српската амбасадорка во земјава, Невена Јовановиќ.

Србија стои на располагање на Северна Македонија со сите свои расположливи капацитети, веќе успеавме да згрижиме одреден број повредени во несреќата во Кочани, а еден број од нив и денеска патуваат за Белград, изјави српската амбасадорка во земјава Невена Јовановиќ, по потпишувањето во Книгата на жалост што беше денеска отворена во Министерството за надворешни работи и надворешна трговија.