Основното јавно обвинителство за гонење на организиран криминал и корупција поднесе обвинителен предлог против претседателката на Државната комисија за спречување на корупцијата (ДКСК), Татјана Димитровска, која се сомничи дека во периодот од мај до декември 2024 година, на неповикано лице обвинето во предметот „Адитив“ му сторила достапни податоци кои се сметаат за службена тајна.

Министерката за образование и наука Весна Јаневска, управителот на Бреинстер ЦБЦ – друштво за интернет едукација, Петар Ниновски, и генералниот менаџер на Бреинстер Некст – приватна високообразовна установа самостојна висока стручна школа, Александар Клашниновски, ќе потпишат меморандум за соработка со фокус на воведување вештачката интелигенција во средното образование.

По приклучувањето на Факултетот за информатика од Штип кон институционалните заложби за воведување на вештачката интелигенција во националниот образовен систем во Македонија, од денес соработници на Министерството за образование и наука во остварувањето на оваа цел се и приватната високообразовна установа и друштвото за интернет едукација, кои работат под брендот Бреинстер.

Кривичниот суд соопшти дека е продолжен притворот на обвинетите за пожарот во дискотеката „Пулс“ во Кочани.

Потпретседателот на Собранието и поранешен министер за надворешни работи, Антонио Милошоски, денеска на прес-конференција ја разработи идејата што синоќа во интервју на Канал 5 ја даде премиерот Христијан Мицкоски.

Ако Бугарија тврди дека проблемот на отпочнувањето на преговорите на Македонија со ЕУ се само Бугарите во Уставот, предлагаме да поднесеме заедничка Резолуција во Европскиот Парламент, со која што ќе се потврди самобитноста на македонскиот идентитет и јазик, рече денеска праетникот на ВМРО-ДПМНЕ, Антонио Милошоски.

Министерството за здравство соопшти дека поради прекин во водоснабдувањето во Универзитетската клиника за белодробни заболувања кај децата – Козле, веднаш е побарано од Универзитетска клиника за детски болести и Универзитетска клиника за инфективни болести и фебрилни состојби времено да ги згрижат пациентите кои ќе имаат потреба од хоспитализација, додека во Козле ќе продолжи третманот на пациенти во дневна болница и амбулантските прегледи.