Фокусот на НАТО е кон исполнување на неговата основна мисија – обезбедувањето колективна одбрана на сојузниците, се наведува во Годишниот извештај на генералниот секретар на Алијансата, Марк Руте за 2024 година, кој нуди преглед на главните постигнувања на Пактот во текот на минатата година во исполнувањето на врвните политички приоритети – од зајакнување на одвраќањето и одбраната, до обезбедувањето поддршка за Украина.

Генералниот секретар на НАТО, Марк Руте, вчера апелираше до европските земји членки и Канада да направат значителен прогрес во подигнувањето на нивните вложувања во алијансата.

Генералниот секретар на НАТО, Марк Руте, вчера, по разговорите со американскиот претседател Доналд Трамп и високи членови на американската администрација во Вашингтон, изјави дека Русија останува долгорочна закана за Алијансата, пренесе ДПА.

Градоначалникот на Киев, Виталиј Кличко, изјави дека Украина можеби ќе мора привремено да отстапи територија како дел од мировниот договор со Русија, објави во петокот британската телевизија BBC.

Украина можеби ќе мора да се откаже од делови од својата територија како услов за евентуален мировен договор со Русија, вели градоначалникот на Киев, Виталиј Кличко, во разговор за Би-би-си. Според него, станува збор за едно од можните сценарија за кое притиска американскиот претседател Доналд Трамп во неговиот предлог за постигнување мировно решение, а што вклучува територијални отстапки од Украина.

Британскиот премиер, Кир Стармер, изјави дека Украина мора да има целосна автономија во одлучувањето за условите на мировниот договор со Русија, отфрлајќи го предлогот на американскиот претседател, Доналд Трамп, за признавање на Крим како руска територија.

„Сè уште има некои специфични точки - елементи - од овој договор кои треба да се дотеруваат и ние сме зафатени со токму овој процес“, изјави синоќа Лавров за американската телевизија С-Би-Ес, пренесе ДПА.

Рускиот министер за надворешни работи Сергеј Лавров изјави дека Кремљ е подготвен да постигне договор со САД за Украина, но додаде дека одредени работи сè уште треба да се координираат и прецизираат.