Еден ден по одржаниот вториот генерален штрајк во Србија, протестните маршеви продолжија во голем број градови.

Студентите од српскиот град Суботица денеска пеш тргнаа кон Белград, каде треба да пристигнат до 15 март за кога е најавен голем студентски собир.

Обединетите нации реагираа на синоќешните руски напади врз Украина, нагласувајќи дека тоа е еден од најсмртоносните денови за цивилите оваа година.

На Меѓународниот ден на жената во Варшава, симболично, во близина на зградата на парламентот и седиштата на главните полски партии, беше отворена првата амбуланта каде што Полјачките можат да извршат абортус во раната бременост, иако во Полска тоа е забрането, освен ако не го загрозува животот и здравјето на трудницата или ако плодот е резултат на силување или инцест.

Полскиот премиер Доналд Туск објави дека неговата влада работи на план за задолжителна воена обука за секој возрасен маж во земјата, како одговор на променетата безбедносна ситуација во Европа.

Христијанско-демократската унија ЦДУ/ЦСУ и Социјалдемократската партија на Германија (СПД) денеска постигнаа договор за спорните политички прашања, што е чекор напред кон формирање коалициска влада во која нема да има место за крајнодесничарската АФД, иако станува збор за две водечки партии со идеолошки разлики.

Германските конзервативци предводени од Фридрих Мерц и Социјалдемократската партија (СПД) денеска соопштија дека постигнале начелен договор за формирање влада која планира да инвестира во заживување и превооружување на земјата, најголемата европска економија.

Папата Франциск денеска ја испрати својата прва аудио порака откако беше хоспитализиран поради билатерална пневмонија пред речиси три недели, изразувајќи благодарност до луѓето ширум светот кои го поддржаа.

Гласот на папата Франциско се слушна за прв пат откако беше примен во болница минатиот месец, во новообјавената аудио порака.