Околу 1.200 протести се планирани за сабота низ САД и во другите делови на светот, а организаторите очекуваат тоа да биде најголемиот протест во еден ден против претседателот Доналд Трамп и неговиот советник Илон Маск, кои со низа потези ја насочија новата администрација во конзервативна насока.

Повеќе од 50 земји стапија во контакт со Белата куќа за да почнат трговски разговори, изјави денеска главниот економски советник на американскиот претседател Доналд Трамп, откако големите нови царини предизвикаа глобални превирања.

Француската крајнодесничарска партија на Марин Ле Пен повика на протестен митинг во Париз денеска, откако судот и забрани да се кандидира на следните претседателски избори во Франција.

Американскиот претседател Доналд Трамп јавно ја искажа поддршката за лидерката на екстремната десница, Марин Ле Пен, откако кандидатката за претседател на Франција беше осудена за проневера и беше забранета од политичката функција,пренесе Си-Ен-Ен. „СЛОБОДА ЗА МАРИН ЛЕ ПЕН“, напиша Трамп во петокот на Truth Social, нарекувајќи ја судската одлука „Лов на вештерки“.

Европската комисија следната недела ќе усвои контрамерки како одговор на американските царини за увоз на алуминиум и челик, додека одговорот за воведувањето царини за автомобили и за реципрочните царини од 20 проценти за голем број производи ќе следи по анализа и консултации со земјите-членки.

Стотици илјади луѓе учествуваа на повеќе од 1.400 протести низ сите 50 сојузни држави на САД против претседателот Доналд Трамп и американскиот милијардер Илон Маск, кој е на чело на Одделот за ефикасност на владата (ДОГЕ), објавија светските медиуми.