Приоритет е размената на експертиза во: институционалната соработа, во областа на науката и технологијата применета во спортот, спортската медицина, борбата против негативните појави во спортот, организација на спортски настани, организирање на обука на спортски специјалисти, програми за поддршка на спортот за лица со попреченост, спорт за сите, спортската инфраструктура, спортскиот туризам како и во спортот во образовните институции.

Изразувам огромно задоволство што денеска во посета на Црна Гора е мојот пријател и пријател на Црна Гора, министерот за спорт Борко Ристовски и што имавме можност да разговараме за идната соработка и за развојот на спортот во Црна Гора и во Северна Македонија.

Во склоп на оваа воспоставена соработка почнуваме и пилот проект со организирање на регионални турнири кој ќе стартува од Македонија.

Без разлика што ова натпреварување нема да биде официјално туку регионално, сепак ќе испратиме силна порака дека ние како држави имаме капацитет да се обединиме и да направиме нешто повеќе.

Тука не е само оној спортскиот дел, овој договор испраќа и многу други пораки, пораки кои значат дека ние иако сме различни држави, сепак сме израснати во тој дух на заедништво и треба да негуваме меѓусебна почит, нашите народи да бидат уште поблиски.

Во таа насока ќе дадеме сѐ од себе“; рече Шќекиќ.

Денеска имавме можност да разговараме за организирање на регионален турнир кој би бил претходница на идната регионална лига.

Црногорскиот министер за спорт и млади ја промовираше и идејата за воспоставување на регионални лиги во одбојка и ракомет во кои првично би настапувале екипи од Македонија, Црна Гора, Србија и во најава, Босна и Херцеговина, како и одржување на регионални турнири во овие спортови.

Тој нагласи дека меморандумот за разбирање во областа на спортот меѓу Македонија и Црна Гора е резултат на заедничката заложба на двете земји да го вратат регионалниот спортски дух и меѓусебната поврзаност на земјите од регионот.

Кога е во прашање ракометот, во овој момент учеството го потврдија Северна Македонија, Црна Гора и Србија, очекуваме да се приклучи и Босна и Херцеговина.

Во одбојка веќе е извесно одржувањето на тој регионален турнир на кој ќе бидат овие четири екипи.

Во Црна Гора ќе биде организиран турнирот во одбојка, а во Северна Македонија турнирот во ракомет.