Во Собранието попладнево продолжи расправата за интерпелацијата на министерот за внатрешни работи Панче Тошковски, поднесена од пратеничката група на Левица.

Семејствата на настраданите во пожарот во дискотеката „Пулс“ во Кочани од пред Собрание се упатија кон Министерството за внатрешни работи, каде се очекува да имаат и средба со министерот Панче Тошковски.

Пакистанскиот министер за информации, Атаулах Тарар, изјави дека неговата земја има веродостојни разузнавачки информации дека Индија има намера да започне воен напад во следните 24 до 36 часа.

Пакистан соопшти дека неговата војска соборила индиски дрон кој наводно се обидувал да го наруши нејзиниот воздушен простор по должината на „Линијата на контрола“ (воена линија на контрола помеѓу делови од поранешната држава Џаму и Кашмир контролирани од Индија и Пакистан, која не претставува правно призната меѓународна граница, но служи како де факто граница), пренесе државната телевизија.

Управата за финансиска полиција до Основното јавно обвинителство Струга, поднесе кривична пријава против две физички и едно правно лице поради основи на сомнение за сторено кривично дело даночно затајување, со што го оштетил Буџетот на Република Северна Македонија по основ на ДДВ во износ од 5.632.920 денари.

Управата за финансиска полиција до Основното јавно обвинителство Струга, поднесе кривична пријава против две физички и едно правно лице поради основи на сомнение за сторено кривично дело Даночно затајување член 279 од КЗ. Првопријавениот Ш. У. во својство на сопственик и управител на правниот субјект Друштво за производство, трговија и услуги ИНТЕРЛА увоз-извоз ДООЕЛ с. Лабуништа Струга во периодот од 07.10.2010 – 10.02.2023 година, со цел да се стекне со противправна имотна корист за себе и за пријавениот правен субјект Друштво за производство, трговија и услуги ИНТЕРЛА увоз- извоз ДООЕЛ с. Лабуништа Струга, во текот на 2021 година употребил влезни фактури со невистинита содржина за наводно извршена набавка на стоки и услуги (дробен камен со транспорт, киперски гуми екстра товар, багер марка HITACHI, хидро оил ХД 46, моторно уље 15/40, диференцијал за багер Волво ЕЦБ35, црева за хидроулика за багер Волво ЕЦБ35, филтер за воздух, филтер за нафта, филтер за уље, мотор за багер со приклучни елементи, корпа за багер со заби, кардан за кипер мерцедес и еуро дизел -БС) во вкупен износ од 36.926.920 денари со вклучен ДДВ во вкупен износ од износ од 5.632.920 денари, издадени и ставени на располагање од страна на второпријавениот А.Т. во својство на управител на правен субјект Друштво за производство, трговија и услуги РЕЛАКС САС ДООЕЛ Неготино во периодот од 29.04.2020 година до денес.

Потпретседателот на ВМРО ДМПНЕ, Александар Николоски, во емисијата „360 степени“ изјави дека ако некој верува дека треба да соработува со ДУИ, тоа значи дека треба да оди во опозиција.

Засега имаме сигурна одлука дека одиме со посебни советнички листи и тоа е одлука на партијата.

Потпретседателот на Владата и министер за транспорт Александар Николоски вели дека прашањето за предвремени парламентарни избори заедно со локалните избори е затворено прашање и дека наесен граѓаните ќе гласаат само за општински советници и градоначаници, а во 2028 година ќе се одржат редовни парламентарни избори.

Владата и парламентарното мнозинство се стабилни, се огласија вчера премиерот и претседател на ВМРО-ДПМНЕ Христијан Мицкоски по седницата на Централниот комитет на партијата и претседателот на Собранието Африм Гаши во интервју за Радио Слободна Европа.

Американскиот претседател Доналд Трамп денес изјави дека верува оти ја спасува Украина и дека верува оти ако војната со Русија продолжи, оваа земја многу брзо ќе биде уништена.

Администрацијата на американскиот претседател Доналд Трамп одлучи да го намали влијанието на царините врз автомобилската индустрија, олеснувајќи дел од давачките за странски автомобилски делови што се користат во домашното производство и спречувајќи двојно оданочување на веќе постоечките царини за увезени автомобили.

Американскиот претседател Доналд Трамп одбележа 100 дена од преземањето на претседателската функција со голем митинг во градот Ворен, во сојузната држава Мичиген – регион познат како срцето на автомобилската индустрија.

Украинската и американската страна составија список на услови за завршување на војната, кој содржи 22 „многу специфични дејствија“, изјави специјалниот пратеник на американскиот претседател Доналд Трамп за Украина, Кит Келог.

Пратеничката од редовите на ВМРО-ДПМНЕ Марија Петрушевска во гостување во емисијата „Објектив“ на МРТ1 зборуваше околу инволвирањето на првиот човек на ДКСК во сериозен криминален скандал.

„Со право е загриженоста во јавноста кога се однесува на најклучната алка во борбата со корупцијата и организираниот криминал, тука мислам на ДКСК и конфликт на интереси.

Италијанскиот тренер Карло Анчелоти на крајот на сезоната го напушта Реал Мадрид, а сите очекуваа да го преземе кормилото на бразилската фудбалска репрезентација, меѓутоа такво нешто најверојатно нема да се случи.

Карло Анчелоти веројатно ги брои последните натпревари на клупата на Реал Мадрид и речиси е сигурно дека следната сезона нема да го води овој тим.

Реал Мадрид ќе прави тренерска смена во текот на летото, но главниот стратег нема да пристигне пред Светското клупско првенство, а на кормилото нема да биде ниту Карло Анчелоти.

ПСЖ синоќа во Лондон славеше со 1:0 против Арсенал во првиот натпревар од полуфиналето на Лигата на шампионите, а човекот на одлука беше Усман Дембеле, кој во четвртата минута го постигна единствениот гол.

Најдобриот играч и стрелец на ПСЖ, Усман Дембеле би можел да го пропушти реванш натпреварот против Арсенал идната недела поради повреда што ја доживеа синоќа.

Тренерот на Алкалоид, Кирил Лазаров го пофали тимот по пласманот во финалето на ЕХФ Европскиот Куп.

Ракометарите на Алкалоид продолжуваат да испишуваат историја, па во втората сезона во која овој тим е дел од европските натпреварувања „сино-белите“ од Автокоманда стигнаа до првото европско финале, обезбедувајќи учество во финалето од ЕХФ Европскиот куп во кое ќе се сретнат со грчки АЕК.

Шпанија во текот на вчерашниот ден беше погодена со необична појава во која снема струја, а оваа ситуација беше тема и за Ламин Јамал кој одговараше на прашањата пред утрешниот натпревар против Интер.

Долго време се шпекулираше дека Ламин Јамал ќе биде новата голема ѕвезда на светскиот фудбал, но по сè што направи и постигна на само 17 години, со право може да се каже дека младиот Шпанец веќе е меѓу елитата.

Фудбалерот на Реал, Антонио Рудигер, ја дозна казната за дивјачкото однесување за време на Ел Класико.

Германскиот дефанзивец на Реал Мадрид, 32-годишниот Антонио Рудигер, беше подложен на операција на коленото, објави Кралскиот клуб во вторникот.

Кенан Јилдиз го остава Јувентус на цедило токму во пресрет на најважниот период од сезонава, откако младиот ас на „старата дама“ поцрвене поради удирање на противнички фудбалер во финишот од првото полувреме против Монца.

Фудбалерот на Јувентус, Кенан Јилдиз во минатото коло против Монца заработи црвен картон во финишот од првото полувреме и така го остави својот тим со фудбалер помалку.

Кошаркарите на Кливленд го декласираа Мајами во четвртиот натпревар од првата рунда на плеј-офот со максмални 4-0 и така се пласираа во полуфиналето на Источната конференција.

Кошаркарите на Голден стејт вориорс поведоа со 3-1 во четвртфиналната серија во Западната конференција против Хјустон рокетс откако синоќа славеа на домашен терен со 109-106.

Под слоганот „Играј со најдобрите“, Видеолотарија Касинос Австрија го пушти во функција мултифункционалното игралиште во селото Моноспитово, општина Босилово.

Доналд Трамп, претседателот на Соединетите Американски Држави, коментираше за извештаите дека Амазон наскоро ќе прикажува колку од цената на еден производ доаѓа од царини, веднаш до вкупната цена на производот, потег што би им илустрирал на американските потрошувачи како царините влијаат врз цената на стоките.

Белата куќа вчера упати предупредување до основачот на „Амазон“, Џеф Безос, откако беше објавено дека малопродажниот гигант планира да споделува детали со своите клиенти во врска со трошоците за тарифите што ги најави американскиот претседател Доналд Трамп, пренесоа светските медиуми.

Министерството за надворешни работи на Кина објави драматично видео на социјалните мрежи како директен одговор на политиките на американскиот претседател Доналд Трамп, велејќи дека Кина нема да се повлече во трговскиот конфликт.

Трговската војна меѓу САД и Кина се прелеа и на социјалните мрежи, а особено е присутна на TikTok, но во центарот на „препукувањата“ сега се европските модни куќи.

Министерството за економија и труд прво ќе ги согледа конечните резултати што ги даде мерката за ограничени цени и маржи, а потоа ќе одлучи што ќе правиме понатаму – најави денеска заменик министерот за економија и труд Марјан Ристески.

Ако цените нагло почнат да скокаат од четврток, кога истекува сегашната мерка за ограничени маржи до 10 %, мерката може да продолжи, најави денес заменик-министерот за економија и труд Марјан Ристески.

На 18 мај 2025 година, љубителите на спортот, на природата и на планините повторно ќе се обединат на Водно, каде што по 13-ти пат ќе се одржи најмасовното рекреативно и спортско искачување во регионот, Sparkasse LIFE Прв до врв.

Двесте ученици од седум основни училишта од општина Кисела Вода добија признанија за завршена обука во 3Д-печатење која се спроведе во „Иноваториумот – клуб на напредни знаења и вештини“ основан од ТИТАН Усје.

Министерката за енергетика, рударство и минерални суровини Сања Божиновска, денеска учествува на 9. Балкански Енергетски самит што се одржува во Атина, под покровителство на Министерството за животна средина и енергија на Грција, Министерството за енергетика на Унгарија и Регулаторната комисија за енергетика на Северна Македонија.

Државниот завод за ревизија изврши ревизија на успешност на тема „Подобрување и унапредување на јавните услуги и инфраструктурните објекти со јавно приватно партнерство“, со цел да се оцени дали преземените мерки и активности за воспоставување и реализација на договори за јавно приватно партнерство (ЈПП) обезбедуваат ефикасни јавни услуги и подобрени инфраструктурни објекти.

Избегнат можен колапс на македонскиот електросистем за велигденските празници.

Македонскиот електросистем бил пред можен колапс за време на велигденските празници, поради големото производство на електрична енергија од фотоволтаичните централи бидејќи струјата немало каде да се продаде, потврди денеска директорот на МЕПСО Бурим Љатифи.

Шпанско – португалскиот искуство со прекините на електричната енергија треба да се истражи, да се преземат мерки и чекори за да се избегне такво сценарио и кај нас, велат во разговор со дописничката на МИА од Атина, министерката за енергетика, рударство и минерални суровини Сања Божиновска и претседателот на Регулаторната комисија за енергетика, водни услуги и услуги за управување со комунален отпад (РКЕ) Марко Бислимоски во однос на блек-аутот на Пиринејскиот полуостров.

Први мај – Денот на трудот, е повеќе од симболичен празник.

Во свет каде финансиската флексибилност е подеднакво важна како и приносот на вложените средства, пронаоѓањето на балансот е од суштинско значење.

Министерството за енергетика, рударство и минерални суровини објави дека наплатата на надоместоците за експлоатација на минерални суровини во првиот квартал од 2025 година достигна 247.491.155 денари.

Пивара Скопје, најголемата домашна компанија за пијалаци, го проширува своето богато портфолио со уште една премиум категорија – автентичното италијанско кафе Caffè Vergnano (Кафе Верњано). Со оваа стратешка одлука, Пивара Скопје влегува во категоријата кафе производи и продолжува со реализација на својата визија, да понуди 24/7 портфолио со пијалаци и брендови за секоја пригода во текот на денот.

Македонскиот дизајнер Сатја Грабулоски, кој е познат по изработката на уникатни и оригинални патики за светски спортски и музички имиња, ја однесе својата работа скалико погоре.

Како настануваат големите хитови?

Инфинум Македонија годинава се закити со титулата „Најдобар работодавач 2024“ – признание кое го доби токму благодарение на гласовите на своите вработени.

Инфинум Македонија е добитник на наградата „Најдобар работодавач 2024”, како треторангирана во конкуренција од сите мали, средни и големи компании кои учествуваа во истражувањето на задоволство.

Вечерва во Народниот театар во Гевгелија, како дел од кампањата „Крени глас против врсничко насилство“ на „Макпетрол“, ќе се одржи сесија за родители, каде што ќе се дискутира за врсничкото насилство (булингот). Покрај жителите на Гевгелија, на овој едукативен собир, шанса за учество ќе имаат и оние кои се заинтересирани од Валандово, Дојран и Ново Село.

Општествено одговорната кампања на „Макпетрол“, „Крени глас против врсничко насилство“ продолжува со своите активности во Гевгелија.

Министерката за енергетика, рударство и минерални суровини, Сања Божиновска, ќе учествува на 9. Балкански Енергетски Самит во Атина, Грција, кој се одржува под покровителство на Министерството за животна средина и енергија на Грција, Министерството за енергетика на Унгарија и Регулаторната комисија за енергетика (РКЕ) на Северна Македонија.

Гувернерката на Народната банка, Анита Ангеловска-Бежоска и вицегувернерите Фадил Бајрами и Ана Митреска, на средбата со директорот за статистика на ММФ, Алберт Крусе, одржана на маргините на Пролетните средби на Светската банка и Меѓународниот монетарен фонд разговарале за напредокот и за идните планови на Народната банка во областа на статистиката.