До вчера на полноќ до подрачните одделенија и канцеларии на Државната изборна комисија (ДИК) доставени се вкупно 69 иницијативи за предлагање на листи за градоначалници на општините и градоначалник на Град Скопје и 68 иницијативи за предлагање на листи на советници за советите на општините и советот на Град Скопје. Како што информира денеска ДИК, листите на кандидати за членови на советот и листата на кандидат за градоначалник на општината, заедно со евидентираните потписи како предлог и целокупната друга документација согласно законските услови и според Упатството на ДИК може да се поднесат до ОИК до 13 септември до полноќ.

Од Државната изборна комисија информираат дека вкупно 69 иницијативи за кандидатури за градоначалник и 68 за советнички листи се доставени откако синоќа на полноќ заврши рокот за собирање потписи. Потписи за независни кандидати за градоначалници се собраа за општините Пробиштип, Македонска Каменица, Куманово, Крива Паланка, Охрид, Дебарца, Прилеп, Долнени Струга, Дебар Струмица, Радовиш, Брвеница, Свети Николе, Гевгелија, Демир Капија, Кичево, Македонски Брод, Кочани, Чешиново Облешево, Битола, Могила, Новаци, Ресен, Гостивар, Демир Хисар, Виница, Сарај, Центар, Аеродром,Карпош , Шуто Оризари, Арачиново, Кисела Вода, Зелениково, Студеничани, Чучер Сандево и градоначалник на Градот Скопје.

СДСМ информира дека со одлука на Извршниот одбор на партијата дадена е согласност за уште три кандидатури за градоначалници за претстојните локални избори: -Драган Анастасов, кандидат за градоначалник на општина Пробиштип -Драгослав Симоновиќ, кандидат за градоначалник на општина Градско и -Борче Гиевски, кандидат за градоначалник на Зелениково. Со ова, СДСМ веќе има објавено 60 кандидати за градоначалници од СДСМ во 60 општини ширум државата.

Кандидатот за градоначалник на Чаир и поранешен министер за надворешни работи, Бујар Османи ги отфрла наводите на владејачката ВЛЕН дека се сретнал со Никола Груевски во Будимпешта за да се овозможат уставните измени. „Во недостаток на идеи и очекуван пораз на изборите, манипулациите на ВЛЕН продолжуваат во однос за моја наводна средба со Груевски со цел обезбедување на пратеници за поддршка на уставни измени.

СВР Скопје го расчисти случајот со нападот врз девојче од Чаир, извршен од страна на малолетнички, кои го снимале настанот и го објавиле на социјалните мрежи. По преземени мерки и активности од страна на полициски службеници од ЕВР Центар и Бит Пазар, утврдено е дека на 20.06.2025 околу 14:00 часот на ул. „Павле Илиќ“ во Скопје, во близина на угостителски објект, 11-годишно девојче било физички нападнато од страна на три девојчиња, а едно девојче го снимало нападот со мобилен телефон.

Зоран Тодоров ја објави својата независна кандидатура за градоначалник на Кочани. Тој вчера ја поднесе својата кандидатура за градоначалник на изборите закажани за 19 октомври.

Директорот на Службата за општи и заеднички работи при Владата (СОЗР), Ивица Томовски, реагираше на најновите објави за незаконско следење и за прислушување во периодот од 2019 до 2024 година, оценувајќи дека станува збор за скандал „од невидени размери“. Тој вели дека во тој период биле прислушкувани сегашниот премиер и лидер на ВМРО-ДПМНЕ, Христијан Мицкоски, како и новинари, медиуми и бизнисмени.

Владата на ВМРО-ДПМНЕ најави ново задолжување од 15 милиони евра преку заем од Светската банка, со образложение дека парите ќе се користат за унапредување на основното образование. Секое вложување во образованието е неопходно, но да бидеме искрени. ова не е дебата за квалитетот на образованието.

Бугарскиот премиер Росен Железков денес изјави дека нема истрага за инцидентот со попречувањето на сигналот на авионот на претседателката на Европската комисија, Урсула фон дер Лајен, ниту пак извештаи за можен кибер или хибриден напад. „Дел од методите за водење модерни војни вклучува таканареченото радио-електронско војување, што е пречки во радиофреквенцискиот спектар во воените зони.

Од: А1он Портпаролот на рускиот претседател, Дмитриј Песков, негираше дека Русија е вмешана во технички дефект што се случил за време на слетувањето на авионот во кој се наоѓала претседателката на Европската комисија (ЕК), Урсула фон дер Лајен. „Вашите информации се неточни“, изјави Песков за новинарите, објави Газета.ру. „Фајненшл тајмс“ (FT) претходно денес објави дека наводен руски напад ги оневозможил услугите за GPS навигација на бугарскиот аеродром со блокирање.

Голема афера ја тресе Грција. Првичната истрага на грчките власти, која сè уште е во тек, откри дека износот на голема измама поврзана со земјоделските субвенции од ЕУ доделени на Грција, што е предмет на европска истрага, веќе достигна 22,6 милиони евра.

Која е средната класа во нашата земја денес? И зошто во Грција терминот „средна класа“ често се користи во јавната дебата, но нема апсолутно јасна и униформна дефиниција?

Лидерот на проруската Партија за преродба, Костадин Костадинов, беше снимен како го блокира влезот на автомобил во фабрика за оружје во бугарскиот град Сопот за време на посетата на претседателката на Европската комисија, Урсула фон дер Лајен, во неделата. Националистичката партија за преродба се обиде да ја спречи Урсула фон дер Лајен да влезе во фабриката за оружје во неделата, напаѓајќи возило за кое демонстрантите веруваа дека е нејзино.

Министерот Тимчо Муцунски нагласи дека Македонија останува цврсто посветена на европскиот пат, активно спроведува реформи и дека го имплементира Планот за раст на ЕУ, притоа истакнувајќи дека проширувањето мора да се темели на заслуги и на јасни критериуми. На покана на министерката за надворешни работи на Словенија, Тања Фајон, министерот за надворешни работи и надворешна трговија, Тимчо Муцунски, утрово учествуваше и се обрати на работниот појадок со министрите за надворешни работи од Западен Балкан и со специјалните пратеници за проширување на Европската Унија, соопшти Министерството за надворешни работи и надворешна трговија.

Тимчо Муцунски во Париз / Фото: Фејсбук Муцунски на Белдскиот стратешки форум, ќе има средби со министрите од регионот Министерот за надворешни работи и надворешна трговија Тимчо Муцунски денеска и утре ќе престојува во Словенија, каде што ќе учествува на Бледскиот стратешки форум. Во рамките на форумот, како што информираат од неговиот кабинет, Муцунски ќе се обрати на панел-дискусијата на тема „Нема регион за младите – време е за промени“.

Од: А1он ПРЕМИЕРОТ Андреј Пленковиќ предупреди на Стратешкиот форум во Блед за „суровата политичка реалност“ на Западен Балкан, нагласувајќи дека Србија е на работ на граѓанска војна. „Србија е на работ на граѓанска војна“, рече премиерот Андреј Пленковиќ на панел-дискусија со премиерите на Словенија, Албанија и Црна Гора, објави N1. Темата на панелот беше понатамошно проширување на Европската Унија.

Препознатливиот оклопен воз на севернокорејскиот лидер Ким Џонг-ун повторно се најде во центарот на вниманието, откако го транспортираше во Пекинг, каде ќе се сретне со кинескиот претседател Си Џинпинг и рускиот претседател Владимир Путин. Ова е прва посета на Кина од јануари 2019 година и се очекува тој да присуствува на воена парада по повод 80-годишнината од крајот на Втората светска војна.

Севернокорејскиот лидер Ким Џонг Ун денес замина од Пјонгјанг со специјален воз кон Кина за да присуствува на голема воена парада во Пекинг, јави јужнокорејската агенција Јонхап. Ова е првпат Ким да учествува на ваков мултилатерален дипломатски собир, со што неговото патување добива особена тежина.

Израел „можеби ја добива војната“ во Газа, но губи „во светот на односите со јавноста“, изјави американскиот претседател Доналд Трамп во интервју објавено вчера за конзервативното американско издание „Дејли Колер“, пренесуваат британските медиуми. Трамп, како долгогодишен сојузник на Израел, ја призна промената во јавното мислење откако беше прашан за неодамнешното истражување на истражувачкиот центар Пју кое покажа пад на поддршката за Израел кај помладите републиканци.

Крвава пресметка во Марсеј / Фото: Принтскрин, Твитер ВОЗНЕМИРУВАЧКО ВИДЕО | Напад со нож во Марсеј: Четворица повредени, полицијата го уби напаѓачот Тунижанец под судски надзор нападнал четири луѓе денеска во хотел во центарот на Марсеј, пред да биде убиен од полицајците на кои им се заканил, јавуваат француските медиуми. Тројца од четворицата повредени во напад со нож во центарот на Марсеј се во критична состојба, соопштија извори за францускиот весник Ле Фигаро.

Земјотрес во Авганистан/Фото: Х ВИДЕО| Билансот на загинати во катастрофалниот земјотрес во Авганистан се искачи на над 800 лица Според најновите податоци, најмалку 800 луѓе загинаа во Авганистан кога земјата беше погодена од земјотрес со јачина од шест степени според Рихтеровата скала, објави владата на земјата. Според извештаите, 2.500 луѓе се повредени.

„Дозволете денеска да го образложам законот кој што ќе го поднесеме во Собранието за поддршка на лозарите во врска со откупот на грозјето, имено после повеќето средби кои што ги имав изминатиот период и во Скопје, Кавадарци и Неготино се наметна потребата да предложиме измена на Законот за вино со кој лозарите ќе добијат дополнителна сума на пари, субвенција по килограм произведено грозје. Иако владата се пофали дека откупната цена на грозјето е зголемена за половина денар, тоа не е никако образложена и е зголемување на основната цена кога се споредува со лани без никаква дополнителна субвенција“ порача денеска во Собранието пратеникот и лидер на СДСМ – Венко Филипче.

Лидерот на СДСМ, Венко Филипче на првиот училишен ден го пофали Министерството за образование и наука со обезбедувањето на сите учебници за учениците, велејќи дека тоа им е работа, но порача дека има сериозни забелешки во грижата за наставниците. Според него, ако наставниците не се стимулирани и не им се зголемени платите, тогаш имаме сериозен проблем во државата.

Зеленски, Ердоган, Путин/ Фото СП Ердоган: Путин и Зеленски не се подготвени за средба лице в лице Турскиот претседател Реџеп Таип Ердоган денес изјави дека разговарал за начините за завршување на војната во Украина со рускиот претседател Владимир Путин за време на состанокот во Кина и со украинскиот претседател Володимир Зеленски по телефон, но дека страните „сè уште не се подготвени“ за состанок на ниво на лидери. Во разговор со новинарите во авионот на враќање од Кина, Ердоган рече дека разговорите меѓу руските и украинските претставници во Истанбул во последните месеци покажаа дека патот кон мирот останува отворен, објави Ројтерс.

Шест кандидати на германската партија Алтернатива за Германија (АФД) починаа во последните недели пред локалните избори во Северна Рајна-Вестфалија, најнаселената германска покраина со 18 милиони жители. Полицијата соопшти дека нема ништо сомнително во смртните случаи, но околностите предизвикаа бројни шпекулации на социјалните мрежи, јавува Би-Би-Си. Локалните избори ќе се одржат на 14 септември, со учество на околу 20.000 кандидати.

Американскиот милијардер и сопственик на компанијата „Тесла“ Илон Маск повторно се вмеша во изборната кампања во Германија преку својата платформа X во корист на десничарската популистичка партија Алтернатива за Германија АфД (AfD), објавија германските медиуми. „Или Германија ќе гласа за АфДили тоа ќе биде крај на Германија“, напиша Маск на X пред локалните избори што ќе се одржат на 14 септември во најнаселената покраина во Германија, Северна Рајна-Вестфалија.

Од: А1он НАТО го сфаќа многу сериозно блокирањето на GPS системот, а алијансата континуирано работи на тоа да го спречи и да осигури дека нема да се случи повторно, изјави денес генералниот секретар на НАТО, Марк Руте. Руте ги даде овие забелешки откако GPS сигналот на авионот во кој се наоѓаше претседателката на Европската комисија, Урсула фон дер Лајен, беше прекинат на пат кон Бугарија, објави Ројтерс.

Од: А1он Венецуелскиот претседател Николас Мадуро ги обвини САД дека го загрозуваат суверенитетот на неговата земја со распоредување воени бродови во Карипското Море. Тој тврди дека американските сили во регионот имаат „1.200 ракети“ насочени кон Венецуела.

Значителното трупање на американските поморски сили во јужниот дел на Карибите покрена многу прашања, како во Каракас, така и меѓу експертите во Соединетите Американски Држави. Додека администрацијата на Доналд Трамп тврди дека целта на операцијата е борбата против нарко-картелите, многумина се прашуваат дали постои друг мотив зад воената демонстрација на сила, пишува Ројтерс.

Високиот претставник на Европската Унија за надворешни работи и безбедносна политика, Каја Калас, денес изјави дека Европската Унија продолжува да го обликува глобалниот поредок, и покрај тоа што нема унифициран став за сите клучни прашања како што е конфликтот на Блискиот Исток. Зборувајќи на Стратешкиот форум во Блед, Калас нагласи дека земјите-членки на ЕУ продолжуваат да покажуваат решителност во поддршката на Украина и дека ЕУ го подготвува својот 19-ти пакет санкции против Русија, пренесува СТА.

Американскиот претседател Доналд Трамп изјави дека Индија понудила да ги намали своите тарифи за американските стоки на нула. Потегот на Трамп доаѓа откако индискиот премиер Нарендра Моди јавно покажа солидарност со кинеските и руските лидери во услови на трговски притисок од Вашингтон.

Од: А1он Американскиот претседател Доналд Трамп денес изјави дека е „многу разочаран“ од рускиот претседател Владимир Путин. Трамп додаде дека неговата администрација ќе преземе одредени чекори за да го намали бројот на жртви во војната во Украина и дека не е загрижен за блиските односи меѓу Русија и Кина.

Од: А1он Претседателот на Соединетите Американски Држави, Доналд Трамп, изјави дека „никогаш не се чувствувал подобро во животот“, откако викендот се појавија гласини за неговото здравје поради неговото привремено повлекување од јавниот живот. „Никогаш не сум се чувствувал подобро во животот“, напиша Трамп во објава како одговор на коментарите од корисник кој се потсмеваше на физичката состојба на поранешниот претседател Џозеф Бајден, додавајќи дека „медиумите полудуваат ако Трамп не се појави 24 часа“.

Од: А1он Белорускиот претседател Александар Лукашенко денес на состанокот во форматот „ШОС Плус“ во кинескиот град Тјенџин изјави дека мултиполарноста не е нешто што сè уште треба да се случи и дека светот веќе станал мултиполарен. „Не, оваа мултиполарност повеќе не тропа на вратата.

Од: А1он Украинскиот министер за надворешни работи Андриј Сибиха објави дека денес во Брисел ќе се одржи вонреден состанок на Советот Украина-НАТО поради масовните руски напади. „Вонреден состанок на Советот НАТО-Украина ќе се одржи денес во Брисел на барање на Украина и како одговор на неодамнешните масовни руски воздушни напади.

Кинескиот лидер Си Џинпинг денес упати индиректна критика до Соединетите Американски Држави, осудувајќи ги „насилните практики“ и претставувајќи ја својата земја како нов лидер на глобалниот поредок, во време кога надворешната политика „Америка на прво место“ на претседателот Доналд Трамп ја менува светската сцена, пишува CNN. „Домашните правила на неколку земји не треба да им се наметнуваат на други“, им рече Си на повеќе од 20 светски лидери собрани на дводневниот самит на Шангајската организација за соработка (ШОС). Средбата во северниот пристанишен град Тјанџин е дизајнирана да го нагласи глобалното лидерство на Кина и нејзиното силно партнерство со Русија, бидејќи двете сили се стремат да ја преобликуваат светската моќ во нивна корист, а на штета на САД и нивните сојузници.

Кинескиот лидер Си Џинпинг ги нападна Соединетите Американски Држави, осудувајќи ги нивните „практики на малтретирање“ и претставувајќи ја својата земја како нов лидер на глобалниот поредок, додека надворешната политика „Америка на прво место“ на претседателот Доналд Трамп ја преобликува светската сцена, објави Си-Ен-Ен. „Домашните правила на неколку земји не треба да им се наметнуваат на други“, изјави Си пред повеќе од 20 светски лидери собрани на дводневниот самит на Шангајската организација за соработка (ШОС). Средбата во северниот пристанишен град Тјанџин е дизајнирана да го истакне глобалното лидерство на Кина и нејзиното силно партнерство со Русија, додека двете сили се стремат да ја преобликуваат светската политика во своја корист, а на сметка на Соединетите Американски Држави и нивните сојузници. Самитот, поддржан од Пекинг и Москва, е најголемиот дипломатски настан на Кина во годината, привлекувајќи ги најголемите личности, вклучувајќи го рускиот претседател Владимир Путин, индискиот премиер Нарендра Моди и турскиот претседател Реџеп Таип Ердоган.

Рускиот претседател Владимир Путин денес се сретна со турскиот лидер Реџеп Таип Ердоган на маргините на самитот на Шангајската организација за соработка (ШОС) во градот Тјанџин во северна Кина. Во руската делегација се министерот за надворешни работи Сергеј Лавров, заменик-шефот на претседателската администрација Максим Орешкин, портпаролот на претседателот Дмитриј Песков, помошникот на претседателот Јуриј Ушаков, министерот за транспорт Андреј Никитин, министерот за енергетика Сергеј Цивилев, директорот на Федералната служба за воено-техничка соработка Дмитриј Шугаев, генералниот директор на Рускиот фонд за директни инвестиции Кирил Дмитриев и директорот на Росатом Алексеј Лихачев, пренесува Тас.

Од: А1он Израелскиот премиер Бенјамин Нетанјаху го повтори својот став дека договор за делумно примирје и ослободување на заложници со Хамас „не е на маса“, објавија денес израелските медиуми. За време на шестчасовната седница на израелскиот кабинет за безбедност, министерот за национална безбедност Итамар Бен-Гвир се залагаше за гласање против предлогот за прифаќање на какви било делумни договори, на што Нетанјаху одговори дека „нема потреба од гласање бидејќи тоа не е на маса“, објави „Тајмс оф Израел“.

Авионот со кој Фон дер Лајен патуваше до Пловдив (Бугарија) во неделата попладне остана без електронски помагала за навигација кога се приближи до пистата. Тројца службеници запознаени со инцидентот потврдија дека случајот се третира како руска операција на попречување.

Британскиот Фајненшл тајмс денес објави дека Русија најверојатно го оневозможила GPS-от во авионот на Урсула фон дер Лајен на летот од Варшава до Пловдив. Како што е наведено во нападот, GPS-навигациските услуги на бугарскиот аеродром биле оневозможени, што го принудило авионот на претседателот на ЕК да слета со користење на хартиени мапи.

Рудолф Џулијани / Фото EPA-EFE/JUSTIN LANE Поранешниот градоначалник на Њујорк Џулијани хоспитализиран по сообраќајна несреќа во Њу Хемпшир Поранешниот градоначалник на Њујорк, Рудолф Џулијани, беше хоспитализиран во недела вечерта по сообраќајна несреќа во близина на Манчестер во американската држава Њу Хемпшир, изјави неговиот портпарол Мајкл Рагуса. Во објава на ИКС Network, Рагуса се наведува дека 81 годишниот Џулијани, претрпел фрактура на пршлен и неколку посекотини откако друго возило со голема брзина го удрил неговиот изнајмен автомобил.

Целото население на Газа ќе биде преместено, а САД ќе ја преземат контролата врз палестинската територија се вели во планот што го разгледува администрацијата на Трамп, објави денес „Вашингтон пост“. Енклавата, која Израел целосно ја уништи во војната со Хамас, ќе биде претворена во протекторат што ќе го водат САД најмалку 10 години, објави весникот.

Администрацијата на американскиот претседател Доналд Трамп разгледува план според кој сите Палестинци би биле раселени од Појасот Газа, а САД би ја преземале контролата врз таа територија, објави „Вашингтон пост“, повикувајќи се на извештај до кој имал пристап. Во него се наведува дека Газа би се претворила во „протекторат“ што би го администрирале САД најмалку 10 години, а една од целите е „палестинската енклава да се претвори во туристичко одморалиште и технолошки центар“, слично на претходната идеја на Трамп за „Блискоисточна ривиера“.

Растот на цените во Австрија повторно забрза, па земјата е меѓу најпогодените во Европа. Високата инфлација ја намалува куповната моќ на домаќинствата и ја поткопува конкурентноста на индустријата, што најавува тешкотии и во наредните години.

Австрија, иако економски богата, се соочува со длабока структурна криза и можност за траен застој на растот. Ова ја поставува фундаменталната дилема: дали општеството може да функционира и да ги одржува своите социјални и економски системи без постојан економски раст, што би ги предизвикало финансиите на државата, иновациите и распределбата на богатството.

Возбудлив натпревар се одигра денес во Куманово, каде што Шкендија Арачиново по драматична пенал-серија ја совлада Каменица Саса и обезбеди место меѓу најдобрите 16 екипи во Купот на Македонија. Регуларниот дел заврши 1:1, па победникот мораше да се решава по изведување на пенали.

Каменица Саса прва постигна гол на мечот, и тоа во 59. минута кога во листата на стрелци се запиша Милош Спасовски, но потоа Шкендија Арачиново се врати во игра со погодокот на Бурхан Алији. До крајот на регуларниот дел од мечот немаше голови, по што во пенал-рулетот Шкендија Арачиново беше поуспешна и славеше со 3-2.

Баер Леверкузен го отпушти холандскиот тренер Ерик тен Хаг откако го водеше тимот на само три натпревари. Наследникот на почитуваниот и трофеен Чаби Алонсо беше многу краткотраен.

фото: EPA-EFE/ADAM VAUGHAN Германците експресно реагираа: Тен Хаг доби отказ по две кола Епизодата на Ерик Тен Хаг во германската Бундеслига заврши многу побрзо од очекуваното. Холандскиот стратег денеска доби отказ од Баер Леверкузен, иако сезоната едвај што започна и се одиграни само две кола.

Македонскиот репрезентативен голман, Мартин Томовски, имаше блескава партија за Битигхајм-Метерцимерн на гостувањето кај Елбфлоренц, па си заработи место во идеалниот тим на колото во 2. Бундеслига. Томовски имаше неверојатна партија, тоа беше и деби натпревар за него во Втората Бундеслига, Македонецот одбрани дури 20 топки.

фото: facebook.com/SG BBM Bietigheim Македонецот блескаше за Битигхајм: Томовски во тимот на колото во втората Бундеслига Голманот на најдобрата македонска ракометна репрезентација, Мартин Томовски имаше одличен настап во првиот натпревар од новата сезона во втората Бундеслига. Нашиот чувар на мрежата имаше значаен придонес од 20 одбрани (47% успешност) во гостинскиот триумф на Битигхајм над Елфблоренц со резултат 28:24. Благодарение на таквите перформанси Томовски се најде во тимот на колото во втората Бундеслига.

Поранешниот македонски репрезентативец и долгогодишен капитен на германски Мајнц, Николче Новески, официјално се приклучи на тимот на Фудбалската федерација на Македонија. Новески е назначен за раководител на скаутинг службата, со задача да ја развива стратегијата за следење и откривање на млади таленти со македонско потекло ширум Европа и светот.

Николоски досега во кариерата бранеше за Беласица, Силекс, Воска, Каменица Саса и албански Поградец. Струга по четири одиграни кола има максимален број на бодови во Првата лига, односно 12 и се наоѓа на делба на првата позиција со Силекс.

Екипата на Струга Трим Лум официјално потпиша договор со младиот македонски голман Иван Николоски. 22-годишниот чувар на мрежата на стружани доаѓа со искуство на меѓународната сцена како поранешен член на младинската репрезентација У21.

Македонската фудбалска А репрезентација ги продолжува подготовките за претстојните натпревари, пријателскиот против Саудиска Арабија (4 септември, Прага, Чешка) и Лихтенштајн (7 септември, Национална арена „Тодор Проески“ – Скопје) од квалификациите за Светското првенство 2026. Најдобриот национален тим е во комплетен состав откако денеска пристигнаа Елиф Елмас и Дарко Чурлинов.

Македонскиот голман Давид Денковски го започнува новиот предизвик во својата кариера, откако потпиша договор со босанскиот клуб ХШК Посушје. Ова е прв трансфер на Денковски надвор од Македонија, со што го започнува својот интернационален фудбалски пат.

фото: facebook.com/hskposusje1950 Давид Денковски е нов голман на босанскиот прволигаш Посушје Денеска фудбалскиот клуб од Босна и Херцеговина, ХШК Посушје ја извести јавноста дека нов голман на екипата е Давид Денковски (25) Денковски, висок 202 см., кој има настапи во македонската У21 репрезентација, официјално потпиша договор со Посушје до лето 2026 година со опција за продолжување на соработката со „сино-белите“. Во својата клупска кариера ги носеше дресовите на скопски Вардар, АП Брера, ФК Пехчево, ФК Брегалница Штип и ФК Шкупи.